Yaar, kidney stones ke baad roz 5 litre paani peena safe hai? Wife bolti pagal ho gaye ho! 😅

Yaar ek doubt hai. Pichle saal kidney stones hue the, tab se main din bhar 5 litres paani peene laga hoon. Subah uthke 1 litre, phir office mein 2 litre, ghar aake 1.5, aur raat ko bhi 500 ml. Par ab kal mujhe laga ki itna paani peena bhi theek hai kya? Kuch log bolte hain kidney pe pressure padta hai.

Maine suna tha ki kam se kam 3-4 litres to chahiye stone prevention ke liye, lekin 5 litres thoda zyada toh nahi hai? Meri wife bolti hai main pagal ho gaya hoon, lekin mujhe darr hai ki thoda bhi kam piya toh phir se stone ban jayenge. Beer to chhod di hai pura, soda bhi nahi peeta ab.

Koi doctor ya experienced bhai ho toh batao - kya 5 litres safe hai roz? Aur haan, main roz 1 glass nimbu paani bhi leta hoon subah khali pet. Koi side effects hote hain itna paani peene ke? Thoda guidance chahiye, please.