Yaar jawline acne ne mera confidence khatam kar diya! Koi solution? 😭

Yaar aaj toh bahut bura din tha. Mera jawline pe acne ka comeback ho gaya hai, woh bhi hormonal wale jo deep and painful hote hain. Pimple nahi, seedha boil types. Subah uthi toh mirror dekha, ek toh baal chehre pe aa rahe hain, upar se yeh acne. Mummy ne kaha "beta shaadi ke rishte aane wale hain, thoda skincare kar lo." Jaise main kuch kar nahi rahi. Dermatologist ne Spironolactone diya hai 2 mahine se, but itna slow effect hai.

Actually mujhe pata hai PCOS ki wajah se hai, but jab log dekhte hain toh "yeh kya ho gaya" bolte hain. Rishte wale aate hain toh uncle aunty ka first reaction "ladki ka face toh dekh lo". Main sun ke rone lagti hoon. Confidence bilkul zero ho gaya hai.

Koi hai jisko jawline acne ka solution mila ho? Main topical treatments try kar chuki hu—benzoyl peroxide, salicylic acid, tretinoin bhi diya tha doctor ne. Kuch zyada farak nahi. Kya Spironolactone actually kaam karta hai ya wait karna useless hai? Please help, bahut depressed feel kar rahi hu. 🥺