UPSC prep mein khaana bhool gayi? Pet band, hair fall, tension unlimited! 😭 Koi remedy batao yaar

Yaar, I don’t know what’s happening to me. Since last 2-3 weeks, I just can’t eat properly. Morning mein uthke chai pe leti hoon, par khaana ka mann nahi karta. Lunch time pe bhi bas ek roti ya do bite kha ke chhod deti hoon. Mummy ne roj phone karke pucha, "beta kha liya?" toh jhooth bolti hoon ki haan kha liya. Woh worried rehti hai, but I can’t tell her ki tension se mera pet hi band ho gaya hai.

UPSC prep ka pressure alag level ka hai. Rajinder Nagar mein akeli rehti hoon, koi dost nahi, bas library aur ghar ka loop. Raat ko 2-3 baje tak padhti hoon, phir neend nahi aati. Subah uthke aisa lagta hai jaise koi energy hi nahi. Hair fall bhi bohot ho raha hai, comb mein guchhe nikalte hain. Mummy ne kal video call pe dekha toh boli, "tera toh chehra hi sookh gaya hai."

Maine try kiya hai chhote-2 meals lene ka, par kuch bhi acha nahi lagta. Thoda fruit ya juice pe leti hoon bas. Kya koi is situation se nikal sakta hai? Koi medicine ya home remedy jo appetite wapas la sake? Please koi batao, I feel so stuck.