Ungliyaan sunn ho gayi! Kya khana chahiye haddi majboot karne ke liye?

Namaste doston. Aaj subah uthke hath dho raha tha to pata chala ki ungliyaan phir se sunn ho gayi hain. Cervical spondylosis ka dard to hai hi, lekin haddi kamjor hone se aur problem hoti hai. Main kuch din pehle ek homeopathy doctor ke paas gaya tha. Unhone kaha ki haddi majboot karne ke liye diet me calcium aur vitamin D ka dhyan rakhna chahiye.

Maine socha aap logon se puchun: kya kha sakte hain jo asar kare? Ghar par to doodh, dahi, hara saag sab hai. Par kya aur bhi koi nuskha hai? Jaise makhana, til, ya badam ka doodh? Yoga se bhi haddi majboot hoti hai kya? Main roz Gomukhasana aur Bhujangasana karta hoon, lekin kya ye kaafi hai?

Ek din pahle hi ek padosi ne kaha ki chana aur gur khao, calcium ke liye achha hai. To main soch raha hoon ki kya sach mein kaam karta hai? Aap log apne anubhav batayein. Bahut din se dard se pareshan hoon, lekin ummeed nahi chhodi. Shukriya.