Title: Transplant ke 5 saal baad bhi har symptom se darr lagta hai? Kya karun?

Yaar aaj subah se thoda light-headed feel kar rahi thi. Usually toh theek rehti hoon but aaj transplant ke baad se pahli baar aisa laga. Transplant ko 5 saal ho gaye hain lekin har chhoti symptom pe dil dhadakne lagta hai. Kal raat ko thoda fever bhi tha, 99.5F, par maine paracetamol le liya. Aaj subah normal hai.

Mere pati keh rahe hain "overthink mat kar", lekin wo nahi samajhte ki organ rejection ka dar ek alag level ka hota hai. Mera creatinine abhi 1.2 hai, doctor ne 3 mahine pehle check kiya tha. Par abhi thoda urine output bhi kam lag raha hai. Kya ye normal hai? Ya main turant contact karoon?

Ghar mein bachche hain, school ka kaam hai, lekin mann nahi lagta. Immunosuppressants toh regularly le rahi hoon, par kabhi kabhi lagta hai ki ek chhoti si galti sab kuch badal sakti hai. Koi aur hai jo transplant ke baad aise feel karta hai? Aap log kya karte ho jab aise doubts aate hain? Kya immediate doctor ke paas jaana chahiye ya wait karna theek hai? Please koi experience share karo. Bahut anxious hoon.