Title: Fatty liver grade 2 ka treatment! Diet se theek hoga ya medicine bhi chahiye?

Yaar kal hi reports aaye, fatty liver grade 2 diagnose hua hai. Doctor ne pehle hi high cholesterol aur triglycerides (350+) ki wajah se daraya tha, ab ye naya jhatka. 🥺

Koi batao, grade 2 ka treatment kya hota hai? Kya sirf diet se theek ho sakta hai ya medicine bhi leni padegi? Maine suna hai apple cider vinegar aur lemon water subah subah peene se fayda hota hai, kya sach mein kaam karta hai?

Maine 2 hafte pehle daru aur non-veg chhod diya (doston ke saath party mein bhi nahi piya, bahut mushkil hua). Par aaj pata nahi kyun dimaag kaccha ho raha hai. Kal raat ko khana bhi heavy ho gaya tha - roti + sabzi + dal + chawal, shayad zyada ho gaya. Kya fatty liver mein light dinner hi karna chahiye? Koi practical tips do, please. Govt job hai, daily 9-5 ka stress hai, exercise ka time nikalna bhi mushkil hai.

Aur haan, koi ayurvedic ya natural remedy bata do jo safe ho. Allopathy ka side effect se dar lagta hai. Dhanyavaad. 🙏