TB ka ilaaj chal raha hai, par ghar waalon ko kya bataun? Help karo yaar!

Yaar, aaj subah mera bada bhai phone karke bol raha tha ki “maa ko bahut chinta ho rahi hai, tu itna patla kyun ho gaya hai, kabhi aake mil.” Upar se diwali aane wali hai, sab ghar aa rahe hain. Mera to dil dhadak raha hai. Main soch raha hoon kya bataun unhe? TB hai to hai, par log kya sochenge? Padosi bhi pooch rahe hain “kya bimari hai?” main to “khoon ki kami hai” bolke taal deta hoon.

Dawai to chal rahi hai DOTS center se, lekin usse urine red aati hai, aur pet garam ho jata hai. Kuch din pehle to itna jala ki socha chhod doon, lekin doctor ne dhamki di ki nahi to bacteria resistant ho jayega. Ab ek problem aur hai—bhai ne kaha “tu ghar aa, sab milke khana khayenge.” Main toh alag plate khaane ka soch raha hoon, par agar kisi ko shak ho gaya to? Yaar, koi bataye, aap log apne relatives se kaise chhupate ho? Kya directly bolna better hai ya jhooth bolte raho? Main tang aa gaya hoon.