TB ka DOTS chal raha hai, raat ko body jal rahi hai! Koi ghar ka nuskha batao!

Dosto, main aaj bahut pareshan hoon. Mera DOTS ka treatment chal raha hai, 4th month pe hoon. Dawaiyan kha raha hoon lekin body bahut garam ho jaati hai, especially raat ko. Paseena aata hai aur neend nahi aati. Urine bhi red-red aati hai, doctor ne pehle hi bataya tha ki rifampicin ki wajah se aisa hota hai, lekin ye garmi ka feeling mujhe darata hai.

Kal raat to aisa laga jaise andar se jal raha hoon. Patni ne kaha ki thoda thanda paani pi lo, lekin kya asar hota hai? Main soch raha hoon ki kya koi ghar ka nuskha hai is garmi ko kam karne ka? Kya koi aur bhi hai jisko DOTS ke dauran aisa hota hai? Mera weight bhi thoda gir gaya hai is mahine.

Aur ek baat, padosiyon se maine chhupa rakha hai ki mujhe TB hai. Unhe pata chal gaya to baat karna band kar denge. Isliye dawai bhi chupke se leta hoon. Lekin ye side effects mujhe bahut preshan kar rahe hain. Kya koi mujhe bata sakta hai ki ye garmi thoda control kaise karein? Aur kya red urine thik hai ya kuch aur problem ho sakti hai?