Raato ko garmi aur gussa dono badh rahe hain – kya ye menopause ki shock therapy hai?

Aaj raat to soya hi nahi. 2 baje uthi, achanak se garmi itni lagne lagi jaise koi bade bade choolhe ke saamne baithi hoon. Paseena nikal raha hai, dil dhadak raha hai, aur pati bole “kya hua?” toh mujhe gussa aa gaya. Unka kya kasoor hai, par control nahi hota.

Main soch rahi hoon ki kya ye hot flashes normal hain? Ya kuch aur problem ho sakti hai? Pichle hafte se raat ko aise 3-4 baar jagti hoon. Din mein bhi hota hai par raat ko zyada.

Maine soyabean aur flaxseed khana shuru kiya hai, par abhi koi farak nahi dikha. Ek doctor ne kaha ki hormone therapy ke baare mein socho, lekin mujhe dar lagta hai. Koi natural solution hai? Ya aap log batao, ye kab tak chalega?

Meri ek friend ne kaha ki vitamin E le lo, toh aaj pharmacy se liya hai. Dekhte hain.

Aap logo ko bhi raat mein aise hot flashes aate hain? Kya karte ho? Please koi asli kaam ki advice do, main bahut pareshan hoon.