**Raat 2 baje panic attack, overthink, parents ko kaise samjhaun? Koi asli remedy batao!**

Raat ko 2 baje neend nahi aa rahi thi, phir se wohi chakkar—"kal exam mein kya hoga?", "maine yeh galat kiya", "parents ka trust kaise tod diya"... literally dimaag ka fuse udd gaya. Panic attack aane laga toh bas zor se deep breathing kiya, 4-7-8 method try kiya jo ek dost ne bataya tha. Thoda kaam kiya, but fir 10 minute mein wapas overthink.

Mom ne subah dekha toh bola "raat ko kyun jagti rehti hai? padhai kar leti toh tension nahi hoti." Unhe samajh nahi aata ki yeh "tension" nahi hai, yeh kuch aur hai. Dad toh bolte hain "drama band kar, sab theek hai." Like, literally feel hota hai ki mein hi pagal hoon.

Koi remedy ho toh batao yaar. Kal raat 4 baje tak aankhein band hi nahi hui. White noise, journaling, screen time reduce—sab try kiya. Kya koi aisi cheez hai jo actually kaam karti hai? Ya phir yeh habit kabhi khatam nahi hoti?