**Raat 2 baje khujli se neend kharab! Lichen planus ka koi permanent ilaaj?**

Yaar, raat ko 2 baje uth ke baitha hoon. Itching itni badh gayi hai ki neend nahi aa rahi. Lichen planus hai, doctor ne kuch creams di hain lekin koi fark nahi pad raha. Jaise hi stress badhta hai, itching aur badh jaati hai. Kal office ka kaam tha, tension mein raat bhar khujli karta raha aur aaj pura din thakk gaya.

Gharwale kehte hain "so ja, kya ho raha hai?" Lekin unhe pata nahi kaise raat ko khaal jalta hai. Neend nahi aati, aur agar aati bhi hai to 2-3 ghante baad khud hi khujli se uth jaata hoon. Din mein thoda control hai lekin raat ko to haath kaam nahi karta. Koi natural remedy batao jo raat ko soothe kare? Ya koi specific moisturizer ya antihistamine jo effect de?

Meri biwi pareshan hai, kehti hai "doctor change karo." Lekin main soch raha hoon kya koi aur bhi is problem se guzar raha hai? Kya koi permanent solution hai ya bas manage karna seekhna padega?