Pyas se pagal ho raha hoon dialysis pe, koi alternative hai paani ke bina?

Yaar, aaj subah uthke bahut pyas lagi thi. Andar se kuch jal raha hai. Par doctor ne bola hai—1 liter se zyada paani nahi pe sakte. Main to roz dialysis pe hoon, lekin yeh pyas mujhe pagal kar deti hai. Kal raat ko maine chupke se thoda zyada pe liya, toh bive ne daant diya. "Maroge kya?" boli. Samajh mein aata hai woh dar, par jab gala sookh raha ho, toh koi control nahi rehta.

Maine kuch din pehle ice cubes chusne ka try kiya. Thoda aaram milta hai, par pet thanda ho jata hai. Ek dost ne kaha ki neembu ka paani pi lo, lekin potassium badh jata hai mere liye. Ab kya karein? Koi alternative hai? Thoda sa bhi pyas bujhaye, par paani na ho? Bahut tang aa gaye hain.

Family ke saath bhi tension hai. Bivi roz kaagaz aur pen lekar calorie aur liquid count karti hai. Kabhi kabhi lagta hai ki main unke liye bojh hoon. Par aap logon se baat karke thoda sukoon milta hai. Kisi ko koi tip hai? Please batao.