Pregnancy sugar mein diet kaise control kare? Insulin aur bed rest ke beech main kya khaun?

Mujhe pata hai main late post kar rahi hoon but aaj subah hi daktar ne naya diet chart diya hai for pregnancy sugar. Gestational diabetes hai, insulin chal raha hai, aur bed rest bhi hai. Bahut mushkil ho raha hai. Pehle bachcha tha tab bhi thoda sugar high tha but itna strict diet nahi tha. Ab toh roti bhi sirf do, subah oats, lunch mein salad, raat ko light soup. Lekin main sochti hoon ki kya main itna kha rahi hoon jo bachche ko bhi sahi lage? Koi specific food hai jo sugar control kare aur baby bhi healthy rahe?

Ghar mein sab log support kar rahe hain lekin pati ko tension hai ki main kuch zyada strict ho gayi hoon. Woh kehte hain ki "tujhe bhi kuch khaana chahiye, sirf diet se nahi chalega." Lekin main darti hoon ki sugar badh gaya toh insulin ka dose badhega. Roj subah finger prick karna bhi ab routine ban gaya hai.

Kya aap logon ne koi natural remedy ya specific diet chart try kiya hai jo pregnancy sugar mein kaam aaya ho? Aur kya main fruit bhi kha sakti hoon? Daktar ne apple diya hai but mango ya chiku mana kar diya. Thoda confuse hoon. Please share your experiences. 🙏