Pet mein gas bana toh sir mein dard, koi gharelu upaaz batao!

Yaar aaj to bahut pareshan hu. Tailor shop pe baithi thi, machine par kaam kar rahi thi, tabhi pet mein itna gas bana ki sar dard shuru ho gaya. Aisa lag raha tha jaise koi helmet pehna ho aur daba raha ho. Khana to maine kha hi nahi tha aaj subah se, bas chai pi thi lekin phir bhi pata nahi kyun aisa ho raha hai.

Maine socha koi gharelu upaaz karein to, ajwain paani mein daal kar pi liya. Thoda aaram mila lekin phir se dard laut aaya. Gas ki wajah se sir mein dard aata hai, yeh maine pehli baar mehsoos kiya hai. Kya aap logon ke saath bhi aisa hota hai? Koi remedy batao jo kaam karta ho.

Yeh din bhar jhuk kar baitne se aur machine par kaam karne se pet mein problem ho gayi hai. Kabhi kabhi lagta hai ki is kaam ko chhod doon, par kya karein, ghar ka kharcha toh chalana hai. Aaj to bas ghar aa ke leet gayi, sar par garm towel rakh diya. Thoda better feel ho raha hai. Aap log batao kya karna chahiye?