Periods mein naali khul gayi? Clots aur chakkar - kya karein? 😭

Aaj subah uthi toh bedsheet pe blood ka pura scene. Clots bhi aa rahe hain, jitna main sochti hoon usse zyada. Pichhle 2 din se periods chal rahe hai par aaj toh aisa lag raha jaise koi naali khul gayi. Ek baar toh toilet mein chakkar aa gaya, stairs se girte girte bachi. Mummy ro rahi hain, "beta tujhe kya ho raha hai?" Unhe kaise samjhaoon ki yeh endometriosis ka kamaal hai.

Maine ek naya ayurvedic syrup try kiya hai, Ashoka plus. Doc ne kaha tha lekin ab tak koi fark nahi pad raha. School se bhi 2 din ki chhutti lena pada, principal ne aaj phone karke kaha "Priyanka, bahut ho gaya." Jaise main apni marzi se bed pe padi hoon. Bada bhai bolta hai "bahan, yoga kar." Yoga se bleeding rukti hai kya? Please batao.

Mera main sawaal yeh hai: kya koi hai jisko heavy bleeding aur clots ke liye kuch kaam ka ilaaz pata ho? Painkillers ke alawa? Aur kya yeh normal hai ki har mahine ek din main itna blood loss ho ki kamzor ho jaaon? Please koi toh batao.