Parkinson’s ne pair jakad diye, beta cricket kyun nahi khelta? Koi 5 saal baad bhi chal raha hai?

Yaar, kal raat so nahi paaya. Bas sochta raha ki ek din mujhe wheelchair mein baithna padega. Doctor ne kaha tha ki Parkinsonis progressive hai, but kabhi seriously nahi liya. Aaj subah utha to pair bilkul akad gaye the, jaise koi zanjeer daal di ho. Mera beta school jaane se pehle bola, "Papa aap mere saath cricket kyun nahi khelte?" Uski baat sunke dil toota. Main toh apna glass bhi theek se nahi utha pa raha hoon, cricket kaise khelunga? Wife har roz kehti hai "exercise karo, yoga karo" but main dar jaata hoon ki log kya kahenge. Society mein toh pehle se hi kaan-phoonk lagti hai. Kal ek dost ne dekha mera haath kaamp raha hai, toh turant topic badal diya. I feel like a burden already. Kya sach mein sabko wheelchair mein dekhna hai? Koi hai jo 5-10 saal baad bhi chal raha hai? Please batao, main akela nahi hoon na?