Office stress ke aage heart attack bhi chhota lagta hai! Kaise bachu?

Yaar, kal office mein client call ke baad achanak se chest mein ek dard hua. Light tha but mere dimaag mein wohi 3 mahine pehle ka scene ghoom gaya. Heart attack ke baad se ab har chhoti si cheez mein darr lagta hai. Pehle toh stress ko "normal" samajhta tha, ab pata chala ki woh silent killer hai.

Angioplasty ke baad se ghar mein bivi aur bachche tension mein rehte hain. Maa ne toh kaha hai ki job chhod do. Par 20 saal ka career? Aise nahi chhod sakta na. Office mein bhi seniors ke saath meeting li, unhone bola "take it easy" but projects ka pressure wahi hai. Ab lunch break mein 10 min walk karta hoon, aur evening mein light stretching. Lekin office ka environment hi aisa hai ki stress control karna mushkil ho jata hai.

Mujhe koi practical solution batao. Office stress ko kaise manage karein jisse heart pe zor na pade? Aur kya log apne managers ko openly heart condition ke baare mein batate hain? Kabhi kabhi lagta hai ki logo ko pata chalega toh projects milna band ho jayenge.