Occupational therapy exercises se ungliyaan straight hongi? Mera experience aur dard suno!

Yaar, aaj occupational therapist ne kuch naye hand exercises bataye. Bolti hai "gently squeeze the putty, slowly open fingers." Main sochti hoon, mere ungliyaan toh ab permanently curved ho gayi hain, putty kaise squeeze karoon? Lekin koshish kar rahi hoon. Roz subah uthke 10 minute bas ungliyaan hilane ki practice karti hoon, jaise chhoti bachchi seekhti hai.

Problem ye hai ki ghar mein sab bolte hain "bas exercise karo, theek ho jaoge." Jaise yeh sab aasaan hai. Mera beta bolta hai "amma aap TV dekhne baithti ho, haath nahi hilate." Unhe nahi pata kitna dard hota hai. Biologics injection ke side effects se throat dry ho jaata hai, neend nahi aati. Phir bhi main haar nahi maan rahi.

Kya kisi ne yeh occupational therapy exercises try ki hain? Kya sach mein koi faayda hota hai ya bas time waste hai? Main toh ab bhi paani ki bottle nahi pakad sakti, par ummeed chhodna nahi chahti. Thoda guidance do please.