Mood swings aur hot flashes ka koi natural ilaaj? Mera husband kya kare?

Arre yaar, aaj toh mood swings ne meri jaan nikaal di. Subah se sab kuch theek tha, phir lunch ke waqt bina kisi baat ke mere husband par chill kar di. Woh toh bas pooch rahe the "kya khayegi?" — maine unhe aise jhaad diya jaise unhone koi gunaah kar diya ho. Ab baad mein bohot guilty feel ho raha hai. Unka bhi kya kasoor hai? Lekin uss waqt lagta hai jaise control hi nahi hai mere haath mein. Hot flashes bhi aa rahe hain beech mein — achanak se garmi lagti hai aur paseena nikal jaata hai. Pet ke around bhi fat jam gaya hai, aur woh dekh ke aur gussa aata hai. Main ek hafte se shatavari powder try kar rahi hoon, kuch fark nahi pada abhi tak. Kya koi aur bhi is phase se guzar raha hai? Koi natural remedy ya koi exercise bata do jo mood ko stable rakhe. Bahut pareshaan hoon yaar.