Maa ko ghar ka pata nahi, raat ko bhaag jaati hai — lock lagaun ya nahi? Help karo!

Kal raat ka scene hai. Maa 2 baje uthti hain, maine dekha ki woh darwaza khol rahi hain. Main darr gaya, puchha "Maa kahan?" to boli "Apne ghar ja rahi hoon, beta." Mera dil toot gaya. Yahin ghar hai, lekin unhe yaad nahi.

Maine ab andar se latch laga diya hai, aur ek small bell bhi laga di hai darwaze par. Lekin ek problem hai — Maa ko lagta hai main unhe band kar raha hoon. Kal royi, boli "Tum mujhe qaid kyun kar rahe ho?" Main kya samjhaun? Main unki safety ke liye kar raha hoon.

Doctor ne Rivastigmine diya hai, lekin koi fark nahi dikh raha. Aur family mein koi help nahi karta. Sab kehte hain "Tu hi dekh le, hum busy hain." Main khud thak gaya hoon, neend poori nahi hoti.

Kisi aur ko bhi aisa situation face karna padta hai? Lock laga dena sahi hai ya aur koi option hai? Maa ko emotionally disturb kiye bina unhe safe kaise rakhun? Koi practical suggestion ho to please batao. Mujhe koi aur rasta dikhta nahi.