Liquid diet se 3 mahine, body weak! Oral cancer ke baad kya khayen? Speech therapy ka koi solution?

Doston, aaj ek baat share karni hai. Pichle 3 mahine se sirf liquid diet pe hoon. Mera operation hua tha oral cancer ka, jaw ka ek part nikal diya doctors ne. Ab kuch bhi solid khaane ki himmat nahi hoti, dard hota hai, aur gale se jaata nahi. Daal ka paani, soup, juice, dahi — bas yahi sab chal raha hai. Patla ho gaya hoon, body mein strength nahi hai.

Aur sabse mushkil cheez ye hai ki gharwale bhi pareshan hain. Biwi roz poochhti hai, "Kya banaun?" Lekin main kuch bol nahi paata. Bacche mujhe dekhte hain toh dar jaate hain. Bolne mein bhi pareshani hoti hai, awaaz nahi nikalti sahi se. Kabhi kabhi lagta hai, kya karke aaya main ye sab kar? Gutkha ki wajah se ye haal hua.

Mera sawaal hai: Kya koi aisa diet plan hai jo solid kaam aaye? Ya koi liquid recipe jo body ko thoda strong kar sake? Aur ye bolne ki problem — kya iska koi ilaaj hai? Main abhi bhi speech therapy le raha hoon, lekin aadat nahi lag rahi. Koi batao, please.