Khana kha ke bhi kamzor? Hyperthyroidism ka yeh kya naya drama hai? 😭

Yaar mujhe samajh nahi aa raha kya ho raha hai mere saath. Hyperthyroidism hai, doctor ne medicine di hai but ab jo problem hai woh yeh hai ki main khana khaati hoon, aur kaafi zyada khaati hoon—jaise aaj subah paratha, do anda, aur phir bhook lagi toh kuch aur. Lekin uske baad bhi aisa lagta hai jaise khaana khaaya hi nahi. Haath kampte hain, dil dhadakta hai, aur ek alag si weakness rehti hai. Log bolte hain "wow kitni patli ho gayi" but they don't know main toh bed se uth nahi paati kabhi kabhi. Mummy kehti hai "khana toh kha leti hai, phir bhi kamzor kyun hai?" To main kya bataoon? Unhe lagta hai main drama kar rahi hoon.

Koi hai jisko bhi aisa feel hota hai? Ki appetite zyada hai lekin strength zero? Aur kya koi natural remedy hai ya diet change jo kaam kare? Main thyroid medicine le rahi hoon lekin yeh weakness mujhe disturb kar rahi hai. Plz koi batao agar experience ho toh.