IVF fail, relatives ka pressure, ab kya karein? Dil toot gaya

Yaar, aaj mere saath kuch aisa hua ki dil toot gaya. Gharwali aunty aayi thi, bola "beta tum toh kaafi time se try kar rahe ho, ab toh koi badi decision lo." Jaise hum chaahte nahi hain. 4 saal ho gaye, do IVF fail, ab relatives ka pressure alag side se.

Maine socha hai ki ab kya karein? Ek baar aur IVF try karein? But honestly, body aur mental state dono thak gaye hain. Pichle IVF ke baad toh 2 hafte royi thi. Ya phir adoption ke baare mein seriously sochun? Kuch din pehle ek friend ne bataya ki adoption process bhi lamba hai aur legal cheezein hain, but koi toh bachcha hoga jo humein apna maane.

Mere husband bhi confused hain. Wo kehte hain "teri body pe aur stress mat daal." But adoption mein bhi toh apna blood nahi hoga na, kya wo same feel hoga? Main emotionally ready nahi hoon dono options ke liye. Koi hai jo similar situation se guzra ho? Please share karo kya decision liya tha. Mera dil nahi kar raha kuch bolne ka, but advice chahiye. 🙏