Inhaler pe addiction? Mera dost bolta hai roz le rahi hai tu! 😤

Yaar ek baat btao. Mera ek dost (jisko asthma nahi hai) bolta hai ki "tu roz inhaler le rahi hai, teri addiction ho gayi hai". Seriously? 😤

Meri mummy bhi pehle aise hi sochti thi ki inhaler pe "dependent" ho jaungi. But maine asthma specialist se pucha to unhone clear kiya ki inhaler ka regular use addiction nahi hai. Actually ye to daily control ke liye hota hai, jaise BP ya diabetes ki dawai.

Kal hi mera ek incident hua. Subah jhadu lagate waqt dhool ud gayi aur meri saans phool gayi. Mera rescue inhaler paas me nahi tha. Tab lag ki agar main regularly preventer inhaler nahi le rahi hoti to aur serious ho jata. Ab to pura din ghar me air purifier bhi chala rahi hu.

Aap logon ka kya experience hai? Kya kabhi aapne bhi suna ki inhaler addiction hota hai? Main to ab firmly believe karti hu ki asthma control ke liye regular inhaler lena zaroori hai. Bas sahi tarike se doctor ki advice follow karo, koi addiction nahi hai ye.