Hyperthyroidism ka khatarnaak side effect: Khana kha ke bhi khaali lagta hai?

Yaar ye kya bimari hai. Aaj maine socha khana zyada kha lungi to energy aayegi. Pura plate paratha, sabzi, daal kha liya. Par 1 ghante baad bhi mera haath kaanp raha tha aur aisa lag raha tha jaise saans nahi aa rahi. Pet bhi bhar gaya tha phir bhi weakness aisi ki lag raha tha abhi gir jaungi.

Doctor ne kaha hai hyperthyroidism mein metabolism zyada ho jaata hai. Matlab jo khao wo jaldi burn ho jaata hai. To weight loss to hota hi hai, saath mein heart palpitations aur weakness bhi. Par sabko lagta hai main diet kar rahi hoon. Aaj hi mere neighbour ne kaha "tum toh bohot slim ho gayi, kya secret hai?" Main ne kaha "thyroid hai didi, secret nahi hai." Usko laga main mazak kar rahi hoon.

Kisi ko bhi ye problem hai? Kya karte ho weakness ke liye? Maine aaj ek banana kha liya thoda relief mila. Par ye halat roz ka hai. Koi permanent solution nahi hai kya?