Husband bolta hai 'health freak', bachche bore, body dard — Hashimoto diet ka solution batao

Yaar, main seriously confused hoon. Last month doctor ne finally suna aur hashimoto confirm hua, 2 saal baad. Ab wo kehte hain diet change karo, gluten, dairy, sugar sab band karo. But yaar, main to roz subah ek cup chai piye bina uth nahi sakti, wo bhi doodh waali. Aur roti, mere ghar mein toh roti ke bina khana complete nahi hota. Pati kehte hain "tum to health freak ban gayi", bachche bhi bore ho jaate hain. Already body mein dard rehta hai har jagah, ab in sab ka tension aur badh gaya.

Thoda research kiya toh sab kehte hain anti-inflammatory diet best hai. Maine quinoa, brown rice, oats try kiya, but mera pet nahi maanta. Gas, bloating ho jaata hai. Kya koi aisa diet plan hai jo Indian household mein easily adjust ho sake? Aur main dairy completely chhod du? Mera to calcium ki kami bhi hai pehle se. Please koi genuine advice do, main thak gayi hoon trial and error se.