Hostel ka khana pet ka dushman! IBS se kaise bachein? Permanent solution chahiye!

Yaar aaj to kya hi bataun. Kal raat ko mess me aloo gobhi tha, socha healthy hai kha leta hu. Lekin 2 ghante baad pet me aisa marod utha ki exam hall me baitha tha, pata nahi kya ho raha. Bahar jaana padha, 15 min washroom me. Aur phir bhi acidity ka dard na jaaye. Sar pe bhi dard hone laga.

Main to ab panic ho gaya hu. CA final ka prep chal raha hai, har din 10-12 ghante padhai. Hostel ka khana to khaana hi padta hai, lekin jab bhi kuch oily ya spicy hota hai, mera pet saath nahi deta. Papa bolte hain ghar ka khana khao, lekin ghar jaane ka time nahi hai. Mummy tension mein rehti hain, phone pe roz puchhti hain "pet theek hai?".

Maine kal se isabgol aur ajwain ka pani lena shuru kiya hai. Thoda aaram mila hai, lekin pata nahi yeh long term mein kaam karega ya nahi. Koi bata sakta hai ki hostel mein reh ke bhi acidity aur IBS ko kaise control karein? Bahut tang aa gaya hu. Kya koi permanent solution hai?