Haddiyan kamzor ho rahi hain? Diet se majboot karne ka desi nuskha batao!

Namaskar dosto. Mera naam Om Prakash hai. Aaj subah uthke dekha to gale aur kandhe me aur bhi zyada jalan hai. Doctor ne kaha hai haddiyan kamzor ho gayi hain, isliye cervical ka dard badh raha hai.

Maine socha aap logon se poochhun - haddiyan majboot karne ke liye diet me kya kya lena chahiye? Main roz subah ek glass haldi wala doodh leta hun, par pata nahi kaafi hai ya nahi. Kahiye na, ghee aur til ke laddoo khaane se fayda hota hai? Ya phir calcium tablets lena zaroori hai?

Maine suna hai ragi aur bajre ki roti bhi haddiyan ke liye achhi hoti hai, par mere gharwale kehte hain ki isse garmi lagti hai. Kya sach mein aisa hota hai? Kripya apne ghar ke nuskhe share karein. Main homeopathy aur yog par vishwas rakhta hun, lekin ab lagta hai diet change karna padega. Aapka dhanyavad.