Gym join kiya 4th baar, aaj fir body bol rahi chutti le

Yaar ye motivation ka chakkar hi khatam nahi hota. Kal fir gym join kiya, 4th baar. Office se seedha gaya, bahut mehnat lagi. Par aaj subah utha to pet mein dard, aur dimaag bol raha hai "aaj chhutti lele". Pata nahi ye kab tak chalega.

Maine socha tha ki ek naya try karun - apne aap se promise kiya ki pehle 1 hafte roz jaunga, chahe 10 minute hi workout karo. Lekin kal hi 30 minute karke aaya tha, aaj to body bol rahi hai "nahi jaana".

Bhai, koi tips do please. Kaise continuity banaaye? Maine ek dost ka suggestion bhi suna ki "workout partner rakh", lekin mere dost sab shaadi-shuda hain, unke paas time nahi. Aur koi na koi bahaana dhundh leta hu.

Aaj office mein ek ladki ne kaha "aap thoda health conscious kyun nahi hote?" to bahut bura laga. Ab lagta hai ki kuch karna padega. Woh log bhi sahi kehte hain - shadi ke liye bhi body theek karni padegi.

Socha tha ki aaj subah uth ke jaunga, par neend pura karke utha. Ab sham ko jaaunga. Wish me luck guys. Agar koi motivational quote ya trick ho to batao, please.