Garlic khali pet kha ke BP control hua? Mera gussa bhi kam hua?

Yaar, kal subah subah uthke maine socha kyun na try karun garlic khali pet. Bivi ne suna toh ulta bol di, "Tujhe kya hua hai? Kya nuskha lekar baitha hai?" Uski baat sunke mera gussa phir se badh gaya. Par maine socha, ab toh khud ko badalna hai. BP 160/100 rehta hai doctor ke paas gaya toh tension ka keh rahe the. Par gussa toh control karna mushkil hai.

Breathing exercise kar raha hoon do hafte se, thoda aaram milta hai par abhi bhi roz ka jhagda hota hai ghar me. Kal subah uthke 2 kachche lasun ke cloves paani ke saath kha liya. Mera dil dhadak raha tha kya pata side effect ho. Aaj tak toh kuch hua nahi, par BP abhi check nahi kiya.

Mera sawaal hai: Kya garlic empty stomach really works for high BP? Koi side effects hote hain? Aur haan, kya isse gussa bhi kam hota hai? Kyunki bivi toh mujhe pagal bana rahi hai, par main seriously apne aap ko sudhaarna chahta hoon. Koi batao bhai, aapne try kiya hai?