**Fatty liver Grade 2! Diet se bhi theek hoga ya dawai zaroori? Pls help!**

Yaar, kal hi ultrasound results aaye. Fatty liver grade 2. Doctor ne bola "abhi bhi time hai, lekin agar aise hi chalta raha to cirrhosis tak bhi ja sakta hai." Sunke to pairon tale zameen khisak gayi.

Pehle to main sochta tha ki thoda motapa hai, kya farak padta hai. Par ab pata chala ki liver pe asar ho raha hai. Triglycerides 350+ hai, cholesterol bhi badha hua hai. Doctor ne strict diet di hai—no alcohol, no fried food, no red meat. Aur maine to daru chhod di hai, 2 hafte ho gaye. Non-veg bhi bahut kam kar diya, sirf Sunday ko ek baar egg ya chicken.

Lekin ek problem hai—ghar mein biwi aur bacche to roz roti-sabzi kha lete hain, par main bore ho raha hoon. Kuch din pehle dost ne party bulayi, mana kiya to taane diye "babu ban gaye ho." Bada mushkil lagta hai.

Jo log fatty liver se recover hue hain, batao kaise? Kya sirf diet se theek ho sakta hai ya dawai bhi zaroori hai? Medicine bhi di hai ursodeoxycholic acid, lekin koi asar dikh raha hai? Aur exercise kaunsa karna chahiye—walking enough hai ya kuch aur? Please guidance do, bahut pareshan hoon.