Dust allergy ne jaan le li! Koi permanent solution batao bhai!

Yaar yeh dust allergy ne meri jaan nikaal di hai aajkal. Subah uthte hi chheekein aana shuru, din bhar jaari rehti hain. Pichle hafte toh aisa lg raha tha ki lungs hi kaam karna band kar denge. Main roz Noida se Delhi aata hu, bus stand pe khade khade hi 10-15 chheeke maar leta hu. Log ghoorne lagte hain, mujhe bhi sharm aati hai lekin kya karu? Doctor ne antihistamine di thi, par usse neend aati hai toh office me focus nahi rehta.

Aaj ek chhota sa remedy try kiya – subah garam paani me haldi aur adrak daal kar piya. Thoda aaram mila, lekin 2 ghante baad wapas wahi haal. Kisi ne bataya tha ki nasal spray bhi kaam karta hai, par kya woh safe hai? Koi permanent solution batao bhai. Mera inhaler bhi ab zyada use ho raha hai, ek baar toh samajh nahi aaya ki chheeke ki wajah se asthma trigger hua ya sirf allergy ne hawa nikaal di.

Aap logon ko bhi aisa hota hai kya? Ya koi desi nuskha ho toh share karo please. Bahut pareshan hu yaar.