Dukaan pe baithe-baithe pet phool raha hai, koi gharelu upaay batao?

Dukaan par baithe baithe gas banna aam baat hai par ab toh poora pet phool jaata hai. Kal hi ek customer aaya, usse baat kar raha tha aur beech mein hi achanak se dard uthta hai. Mera pet aisa ho jaata hai jaise koi gubbara fula diya ho. Doctor ne kaha hai ki oily cheezein chhodo, par samosa kachori ki aadat nahi chhutti. Ghar mein biwi bhi kehti hai ki "tum toh khud ko maar loge."

Main roz subah ek glass nimbu paani peeta hoon, par usse bhi fark nahi padta. Kabhi kabhi hajma ka tablet bhi le leta hoon, par woh sirf thoda der raahat deta hai. Family bada hai, dukaan ki tension rehti hai, toh gas banna aur bhi badh jaata hai.

Bhai log, aap mein se kisi ko koi gharelu upaay pata hai? Ya fir koi aisi cheez jo pet ko thanda rakhe? Doctor ke paas jaane ka time nahi milta, dukaan band nahi kar sakta. Thoda sujhhao do, please.