**Dost ko kya bolu? Hospital admit tha suicidal thoughts ke liye, ab kya sochenge?**

Yaar kal college ka ek friend call kiya tha. Puch raha tha "Arjun kaha tha itne din?" Main bol nahi paya ki hospital mein tha. Ward mein admit tha. Suicidal thoughts ke liye. Ab kya bolu? Unhe pata chalega toh kya sochenge? Mummy papa ko bhi bahut shame feel ho rahi hai. Papa ne kaha "kisi ko mat batana" but yeh secret rakhna bahut heavy ho raha hai.

Therapy start ki hai. Ek psychiatrist bhi mil rahe hain. Abhi ek week hua hai. Thoda better feel hota hai jab doctor se baat karta hoon. Par jab bahar nikalta hoon toh wahi ghabrahat. Koi mujhe judge karega ki "yeh toh pagal hai hospital mein tha."

Main aaj kal ek coping skill try kar raha hoon - deep breathing. Doctor ne sikhaya. 4-7-8 method. Kabhi kaam karta hai kabhi nahi.

Mera sawaal hai - kya tum logon ne bhi apne friends ko bataya? Ki hospital admit the? Agar bataya toh kya reaction aaya? Main soch raha hoon kal class mein jaaun ya nahi. Bahut dar lag raha hai. Koi advice do please.