Diabetes se aankhein dhundhli? Mera haath jal gaya, aapka kya haal hai?

Beta log, aaj subah uthke aankh kholi to sab kuch dhundhla dhundhla dikh raha tha. Kuch der baad thoda theek hua, par sugar ka level 230 tha. Dr. ne pehle hi kaha tha ki diabetes se aankhon ka damage ho sakta hai, par aaj to dar lag gaya. Pata nahi kab ye roshni pura chali jaye.

Ghar ka kaam karte waqt chai ka cup nahi dikha aur haath jal gaya. Bahut gussa aata hai apne aap par. Kisine koi gharelu nuskha bataya ho to zaroor likhna. Kya aap logon ko bhi aisa hota hai? Main to roz subah aankhon ki exercise karti hoon aur methi paani peeti hoon, par koi fayda nahi lagta. Dr. ne retina ka laser bhi bataya hai, par sunkar darr lagta hai.

Bachche bolte hain ki mobile se door raho, par akelepan mein kya karein? Koi aapna nahi hai. Bas ye sochti hoon ki Bhagwan ka diya hua sab kuch hai, par aankhon ka toh koi mol nahi. Koi sujhaye toh bataye.