daant se khoon aana aur badbu: kya pyorrhea ka signal hai? ghar ke nuskhe batao!

Yaar kya batau, aaj subah brush karte waqt muuh mein khoon ka taste aaya. Fir dekha toh saara toothpaste laal ho gaya tha. Bahut darr lag raha hai. Pehle kabhi itna bleeding nahi hua tha, bas thoda thoda hota tha. Par ab roz ho raha hai, aur saath mein bahut badbu bhi aati hai. Ghar mein bhabhi ne notice kar liya, bolti hain "kya baat hai, kuch kha liya kya?" Lekin main kuch nahi bata paata.

Main paan masala chhod diya hai 2 mahine pehle, lekin daant peele ho gaye hain aur cavities bhi hain. Ek daant mein pain bhi hota hai kabhi kabhi. Dant ka doctor ke paas jaane se darr lagta hai, root canal ka sunke toh ruh kaamp jaati hai. Par ab bleeding itna badh gaya hai ki lagta hai kuch serious ho sakta hai.

Kya aap logon ko bhi aisa hota hai? Kya gingivitis ya pyorrhea ka sign ho sakta hai? Koi ghar ka nuskha batao ya koi aisa doctor jahan injection aur drilling se darr na lage. Please help karo, bahut tension mein hoon.