Creatinine badh gaya, eGFR gira, 39 saal mein dialysis ka dar — koi bachayega?

Yaar, aaj subah uthke lab reports dekhe toh haath kaamp gaye. Creatinine thoda upar gaya hai, aur eGFR bhi gir raha hai. 39 saal ka aadmi hoon, diabetes toh bachpan se hai, but abhi se kidney ka alarm baj raha hai. Doctor ne bola "control rakho, warna dialysis ka rasta dikhega." Sunke toh seedha mann kharab ho gaya.

Main roz insulin le raha hoon, but resistance badh raha hai. Pehle 20 units kaam karti thi, ab 40 bhi nahi utar raha. Sugar 200-250 ke beech ghoom rahi hai. Ghar mein amma ro rahi hain, biwi tension mein hai. Unhe lagta hai main apna dhyan nahi rakhta, but actually kya karoon? Life hi aisi ho gayi.

Sabse bada dar hai—dialysis ka. Dekha hai cousin ko, hafte mein 3 baar hospital, body sookh jaati hai. Main single earning member hoon, business hai chhota sa. Agar dialysis pe chala gaya toh kaam kaun karega? Family ka kya hoga?

Bhai log, koi hai jiska creatinine similar range mein ho aur naturally manage kiya ho? Koi ayurvedic ya diet tips jo kidney ko bachaye? Please help karo, bahut dar lag raha hai.