CPAP machine sharam ki baat ya jaan bachane ka zariya? Raat ko saans rukna kitna khatarnak hai?

Arre yaar, kal raat phir wahi halat ho gayi. Main so raha tha, tabhi achanak lagaa ki saans ruk gaya. Jaise koi pressure sa raha hai, phir ek jhatke se saans aayi. Mera to paseena nikal gaya. Biwi bhi ghabra gayi, boli "kya hua, kya hua?". Main kya bataun, mujhe khud pata nahi chalta.

CPAP machine doctor ne diya hai, lekin use karne me bahut sharam aati hai. Biwi ke saamne muh par machine laga ke sona... aur phir woh awaaz bhi. Padosi kya kahenge, nahi pata. Sochta hoon, shaayad is machine ke bina bhi theek ho jaaun. Par raat ke woh pal, jab saans rukta hai, bohot dar lagta hai.

Beta bhi bolta hai "Papa, machine lagao, kya hoga?" Lekin main kuch na kuch bahaana dhundh leta hoon. Aaj subah utha to sar bhaari tha aur thoda chakkar bhi. Lagta hai ab to kuch karna padega.

Bhaiyon, aap logon me se koi hai jo CPAP machine use karta hai? Kya karke aadat lagi? Aur kya raat me saans rukna seriously khatarnak ho sakta hai? Main confuse hoon. Kripya koi salah de.