College friend ko depression ka pata chal gaya – sach bataun ya jhooth? Help karo!

Yaar kal college ka ek friend call kiya. Mene bataya nahi tha hospital ke baare mein. But usne kuch sun liya tha kisi se. Puchh raha tha "tu theek hai na? kya hua tha?" Maine jhooth bola "just fever tha." But mujhe pata hai wo sab jaanta hai.

Mera mann karta hai sabko bata doon ki haan depression hai, admission hua tha. But sochta hoon toh family ka pressure yaar. Papa ne kaha "log kya kahenge" aur mummy roz ro deti hai. Therapy start ki hai, 2 sessions hue hain. Par yeh shame ka feeling nahi jaa raha.

Dost toh bolte hain "tension mat le" but unhe pata nahi kaise lagta hai raat ko akela. Kaise neend nahi aati aur dimaag mein bas ek hi line chalti hai - "tu weak hai."

Koi hai jo same situation se guzra ho? College friends ko kaise face karte ho? Kyunki kal hostel mein back jaana hai aur sab puchhenge. Kya bataun? Sach ya jhooth? Please help.