Cholesterol 245, triglycerides 380! Doctor ne daanta – ab kya karein? Ghar ke nuskhe batao!

Yaar abhi kal reports aaye. Cholesterol 245 hai, triglycerides 380 ke upar. Doctor ne fir se daant diya. Bola "Vijay ji aap toh government mein ho, itna tension kyun lete ho? Kya khate ho?" Main toh sirf office ka canteen ka samosa chai leta hoon, aur raat ko thoda ghar ka khana. Par ab lagta hai woh bhi sahi nahi hai.

Ek mahine pehle fatty liver bhi nikla tha. Ab toh lagta hai body ne surrender kar diya. Daru toh maine almost chhod di hai, bas Sunday ko ek peg leta hoon. Non-veg bhi kam kar diya. Phir bhi numbers nahi sudhar rahe.

Koi batao, cholesterol ke liye koi ghar ka nuskha? Maine suna hai lahsun aur methi dana accha hai. Subah khali pet lahsun kha raha hoon, par taste bohot ganda hai. Kya koi aur option hai? Aur triglycerides kaise kare control? Please help, ab toh dar lag raha hai.