Cholesterol 230+ aur Triglycerides 350! Kya yeh heart attack ki ghanti hai?

Doston, aaj reports aaye. Cholesterol phir se high hai, 230 ke upar. Triglycerides toh 350+ hai. Doctor ne fir se daant diya. Bola "Vijay ji, ab aapko serious lena hoga, warna heart attack ka risk hai."

Maine socha tha ki maine daru kam kar di hai, non-veg bhi hafte mein ek baar kar diya, par lagta hai kuch nahi badla. Fatty liver bhi hai, pichle saal diagnose hua tha. Aaj toh bahut bura lag raha hai. Gharwale bhi pareshan hain. Biwi bolti hai "ab toh chhod do sab kuch."

Koi remedy batao bhai. Maine suna hai ki methi dana aur green tea se triglycerides kam hote hain. Koi try kiya hai? Ya phir koi ayurvedic medicine? Lekin doctor ne kaha hai ki sirf diet se kaam nahi chalega, medicine bhi lena padega.

Mujhe lagta hai ki maine bahut der kar di. Ab shayad sahi time par nahi sambhala. Koi toh batao ki kya karna chahiye?