Bypass ke 5 saal baad saans phoolna: kya heart attack ka danger hai?

Doston, pranam. Mera naam Prakash hai. 68 saal ka hoon. 5 saal pehle bypass surgery hui thi, sab kuch theek chal raha tha. Par pichle kuch mahino se thoda chalne pe bhi saans phoolne lagta hai. Kal toh ghar ke aangan mein 2-4 chakkar lagaye, tabhi seena bhari ho gaya aur saans aana mushkil ho gaya. Bahut dar lagta hai, heart attack toh nahi ho raha na?

Mera beta doctor ke paas le gaya, unhone kuch dawai badal di hai. Ek naya pump bhi diya hai, lekin abhi bhi fark nahi pad raha. Bhabhi kehti hain ke ghabrao mat, lekin main khud hi sochta hoon ke kya yeh normal hai bypass ke baad? Kya aap logon ke saath bhi aisa hota hai?

Ek problem aur hai—main ghar mein akela rehta hoon. Pota mobile mein yeh site dikhata hai, lekin mujhe koi sath nahi hai jo har waqt dekh sake. Kya koi aisa test ya ilaaj hai jo ghar pe kar sakte hain? Aur kya regular walk ke liye koi safe raasta hai? Aap logon ka experience jaan kar man halka hoga. Dhanyavaad.