Bhai, pairon ki aag aur sugar ka sawaal - koi ghar ka nuskha batao ya insulin shuru karun?

Achha bhai log, aaj subah utha toh pairon mein aisi jalan aur dard ki jaise koi chita jal rahi ho. Andar se jal raha hai, bahar se thanda laga raha hoon lekin koi fark nahi padta. Pichhle hafte hi doctor ne kaha tha ki yeh diabetic neuropathy hai, nerve weak ho gayi hai. Par ab toh raat ko neend bhi nahi aati. Ek aadmi ne kaha tha nimbu ke ras mein namak daal kar garam paani se pair dhone se aaram aata hai, toh woh bhi kiya, aaj thoda kam hai. Par pata nahi kab tak chalega.

Ghar ka tension aur hai. Bade bete ko zameen ka vivad hai, chhota bete toh aata bhi nahi. Pota hai jo kabhi kabhi aata hai, woh bolta hai "Dada aap yoga karo", lekin main toh pair rakh nahi paata. Sugar ka control bhi nahi ho raha, subah ka fasting 180 ke upar hai. BP bhi 140/150 rehta hai.

Bhaiyo, koi aisa upay batao jo ghar par ho sake, koi ghar ka nuskha ho toh. Aur yeh jalan kab theek hoti hai? Kya main yeh sochun ki insulin start kar doon? Doctor ne pehle hi kaha tha, par dar lagta hai.