Bhai bank job ka pet 🍔 aur engagement ka pressure 💔 - koi genuine solution batao?

Yaar ye bank job ne meri life kharab kar di hai. Subah 9 se raat 8 tak ek hi jagah baitha rehta hoon. Pet nikal aaya hai aisa lagta hai 4 mahine ka pregnant hoon. Kal ghar wale ne photo bheji engagement ke liye, ladki wale bol rahe hain "dubla patla ladka chahiye". Ab kya bataun ki ye computer screen ke saamne baith baith ke aaya hai.

Maine socha gym join karun, 1 hafta gaya, phir laziness aur back pain ne pakad liya. Ab ghar par hi kuch karta hoon - 10 pushups karta hoon toh 2 din ka badi dard hoti hai. Ek dost ne kaha "walking kar, 10000 steps roz". Ab toh office ke lunch break me 20 min walk karta hoon, par kya fayda? Pet to waise hi hai.

Koi genuine remedy batao bhai. Koi aisa exercise ya diet jo bank employees ke liye kaam kare. Main toh soch raha hoon kya khana band kar du? Par ghar ka khana to healthy hai, bas ghee aur roti zyada hai. Pls help, warna shadi ki umar nikal jayegi. 😂