Beti ka sugar 300 par pahuncha! Lunch skip aur cake ne kya kiya, ab CGM try karun ya nahi?

Aaj mere beti ko school se bulaya. Teacher ne bola ki usne lunch skip kar diya aur phir class mein hi dizzy ho gayi. Mera dil dhadak gaya. Main roz subah insulin deti hoon, lekin uske school ke timings ke hisaab se dose adjust karna mushkil hai. Usne ek piece cake khaya tha kisi birthday party mein - maine mana kiya tha but teacher ne socha 'thoda toh chalta hai'. Haan chalta hai? Nahi yaar. Sugar 300 par chala gaya.

Ghar mein bhi problem hai. Meri saas kehti hai ki 'bachpan mein kuch nahi hota, dekh lenge'. Unhe nahi samajh aata ki yeh joke nahi hai. Har time mera dimaag mein tension rehti hai ki kal kya hoga. Raat ko 2 baje bhi uth ke check karna padta hai.

Aaj maine continuous glucose monitor try karne ka socha hai. Koi experience hai iske saath? Kya yeh really helpful hai ya extra tension hi dega? Aur batao, school mein bachche ke liye kya arrangement karte ho? Teacher ko kaise convince kiya ki woh strict follow karein? Please help.