Beti ka sugar 280, school mein chips kha ke aayi - lunch ideas chahiye! 🥺

Yaar, aaj school se meri beti ka call aaya. Teacher ne bataya lunch mein usne apna tiffin nahi khaya, aur doosre bachon ke chips aur cake kha liye. Mera dil baith gaya. Uska sugar level check kiya toh 280 tha. Main toh roz samjhati hoon beta, insulin injection dekar school bhejti hoon, lekin woh chhoti hai, usse kya pata.

School ne ek form diya hai ki hum kya kya de sakte hain, lekin party days mein toh control nahi hota. Main ne socha ab healthy lunch ideas try karein - cheese paratha, cucumber sticks, dry fruits. Lekin woh bore ho jati hai. Kal maine kaju aur badam mix karke diya, phir bhi nahi khaya.

Meri family kehti hai "achha khilaao, insulin toh hai", par woh nahi samajhte ki har bite matter karta hai. Aap log apne bachchon ke liye school lunch mein kya kya rakhte ho? Koi aisa snack hai jo bachche bhi khaye aur sugar stable rahe? Please help, main bohot worried hoon.