Banana shake se muscle banega ya sirf pet? Mera 2 hafte ka experience aur doctor ki warning!

Yaar seriously ab sab log mujhe "sukha papad" bolke tease kar rahe hain. College me ek ladki ne to direct puch liya, "tu khata bhi hai ya sirf hawa pe jeeta hai?" Bahut buri lagti hai ye baat. Pichle mahine maine mass gainer powder try kiya tha, but usse liver pe issue aagaya — jaundice jaise symptoms the, abhi thoda recover hua hoon. Doctor ne bola natural cheezein kha.

Tab se main subah banana milk shake le raha hoon. 1 banana, 1 glass full cream milk, thoda honey aur dry fruits powder mix karta hoon. Honestly, 2 hafte me thoda weight badha hai aur energy bhi achi lagti hai. Koi bloating nahi hoti, digestion bhi theek hai. Lekin gharwale kehte hain "ye sab bakwas hai, roti-dal khao" — but I'm trying.

Mera question ye hai: kya banana milk shake actually muscle gain me help karta hai long-term? Ya sirf weight badhane ke liye theek hai? Aur agar roz piya to koi side effects hote hain? Please share your experiences, bhai log.