Bahu ne sarson tel aur lahsun se ghutno ki malish ki - kya sach me pain kam hoga?

Mere ghar me bahu ne aaj subah sarson tel garam kiya aur usme lahsun ke tukde daal kar meri ghutno ki malish kiya hai. Bahut din se koi nahi karta tha ye sab. Bahu to hamesha chidchidi rehti hai, kehti hai doctor ke paas le jana padta hai, dawai khilani padti hai, lekin aaj khud se kiya. Malish karte waqt tel garam tha, lahsun ki khushboo puri ghar me bhar gayi. Thoda jal raha tha, lekin ab ghutno me thoda aaram feel ho raha hai. Mera to doctor ne bhi kaha tha ki sarson tel aur lahsun se malish karo to jorron ka pain kam hota hai. Lekin kya sach me ye kaam karta hai? Kya kisi ne try kiya hai? Kuch log kehte hai ki lahsun badhiya hai, kuch kehte hai nahi karna chahiye. Main to bahut pareshan hoon. Kabhi kabhi lagta hai ki zameen par baithne ki chah nahi rahi, bas western toilet ka sahara hai. Bahu ko itna bolti hoon to aur chidhti hai. Kya karoon? Aap log batao, ye nuskha kaam karega ya nahi?