Bahu ne kaha aapko sab ke liye kisi ki zaroorat hai - bura laga, kya karun?

Mujhe aaj subah bahu ne kaha, "Aapko to har cheez ke liye kisi na kisi ki zaroorat hai." Bahut bura laga. Main kya karu? Mera ghutna itna kharaab hai ki zameen par baith bhi nahi sakti. Western toilet bhi bahut mushkil se use karti hu, lekin fir bhi kisi ki madad chahiye hoti hai.

Kal mujhe doctor ne ek naya injection diya hai ghutno me, hyaluronic acid ka, par abhi tak koi farak nahi pada. Bahu kehti hai ki ye sab bekar hai, lekin main kya karu? Dard se raat ko neend nahi aati.

Mera beta bahar job karta hai, bahu hi ghar sambhalti hai. Lekin unka bhi apna pressure hai, main samajhti hu. Phir bhi, jab koi chidchidake "utho" ya "baitho" bole, toh dil toot jata hai. Aap sab batao, kya koi aisa tarika hai jisse main thoda independent reh sakun? Ya phir yehi meri kismat hai ki dusro par dependent rahu?