Antidepressants le liye ab dar lag raha hai - Sales job par focus kaise rahega?

Yaar aaj finally doctor ne antidepressants prescribe kar diye. Bahut din se avoid kar raha tha but ab limit aa gayi. Kal raat 3 baje uthta hoon aur pata nahi kyun office ke emails check kar raha hoon. Fir subah uthke nikalta hoon toh stomach mein jal raha hai. Lunch bhi nahi hota properly. Aur boss ka toh alag hi drama - "target kahan hai" "why this month is low" har baar same lecture.

Maine socha tha ki antidepressants matlab weak log lete hain. But honestly, mera haath kaampna band nahi ho raha tha aur hair fall toh ab dikhta bhi hai. Kal pharmacy se tablet liya - Escitalopram hai. Doctor ne kaha ki pehle 2-3 hafte side effects honge, thoda chakkar aayega, neend aayegi. But main toh scared hoon ki kaam pe focus kaisa rahega? Sales mein toh dimaag sharp rakhna padta hai.

Kisi ne yeh medicine li hai? Please batao ki kaam pe effect aata hai ya nahi. Aur stomach ulcers ke saath safe hai? Main genuinely confused hoon. Par ab option bhi nahi hai - ya toh yeh lo ya fir breakdown lo.